होळी म्हणजे काय?
फाल्गुन महिन्यातील पौर्णिमेला होळी साजरी करतात. भारतात वेगवेगळ्या ठिकाणी, वेगवेगळ्या पद्धतीने हा सण साजरा होतो. पहिल्या दिवशी 'होलिका दहन' करतात, म्हणजे वाईट गोष्टी जाळून टाकतात. दुसऱ्या दिवशी लोक एकमेकांना रंग लावून 'धुलिवंदन' किंवा 'रंगपंचमी' खेळतात. होळीला 'शिमगा' सुद्धा म्हणतात, आणि काही लोक याला 'शिव-शिमगा' म्हणतात, कारण ते भगवान शंकराशी संबंधित आहे.
होळी का साजरी करतात?
होळी साजरी करण्यामागचा मुख्य उद्देश म्हणजे वाईट विचार आणि वाईट गोष्टींचा नाश करणे. आणि चांगले विचार, चांगल्या गोष्टी आपल्या आयुष्यात आणणे. होळीमध्ये पुरणपोळी, रंग आणि धम्माल-मस्ती करायला खूप मजा येते.
होळीची गोष्ट
खूप वर्षांपूर्वी, हिरण्यकश्यपू नावाचा एक राजा होता. तो स्वतःला खूप ताकदवान समजायचा आणि देवांचा तिरस्कार करायचा. पण त्याचा मुलगा प्रल्हाद, भगवान विष्णूचा खूप मोठा भक्त होता. हे राजाला अजिबात आवडत नव्हते. त्याने प्रल्हादला खूप त्रास दिला, पण प्रल्हादने विष्णूची भक्ती सोडली नाही. मग राजाने एक योजना बनवली. त्याची बहीण होलिका, जिला आगीत न जळण्याचे वरदान होते, तिने प्रल्हादला घेऊन आगीत बसायचे असे ठरवले. प्रल्हाद आणि होलिका आगीत बसले, आणि प्रल्हाद विष्णूचे नाव घेत होता. थोड्याच वेळात होलिका जळायला लागली. तिला आठवले की, तिने जर तिच्या वरदानाचा वाईट उपयोग केला, तर ती स्वतः जळून जाईल. प्रल्हादला आगीने काहीही केले नाही, पण होलिका जळून राख झाली. त्या दिवशी लोकांनी आनंद साजरा केला, आणि तो दिवस 'होलिका दहन' म्हणून ओळखला जाऊ लागला. दुसऱ्या दिवशी लोकांनी रंग खेळून हा सण साजरा केला.
holi wishesh
होळी शुभेच्छा मराठी
होलिका दहन कब है
होली कब है 2025
Dhulwad 2025
holi wishes in marathi
holi wishes in marathi text